Historia e studentes që u pranua në Harvard dhe që kishte vrarë nënën e saj!
E Premte 15 Shtator 2023, 14:02
Dritare.net
Disa njerëz do të vrisnin për të siguruar një vend në një nga kolegjet më të njohura dhe më të suksesshme në botë. Xhina Grant ndoshta e mori kuptimin e kësaj fraze fjalë për fjalë. E lindur në vitin 1976 në Lexington të Karolinës së Jugut, amerikania ishte vetëm 14 vjeçe kur vrau nënën e saj më 13 shtator 1990. Adoleshentja e goditi nënën e saj trembëdhjetë herë me një shandan kristali, duke i shtypur kafkën.
Ajo lau pellgjet e gjakut nga dyshemeja e kuzhinës dhe fshehu shandanin dhe leckat e përgjakshme në një dollap. Më pas ajo u përpoq ta bënte vdekjen të dukej si vetëvrasje duke mbështjellë gishtat e nënës së saj rreth dorezës së një thike.
Edhe pse ajo e ndryshoi historinë e saj disa herë, fillimisht i tha policisë se nëna e saj e sulmoi me thikë dhe më pas e goditi në qafë, kur u zbulua shandani, deklaratat e saj ndryshuan. Grant ndryshoi historinë e saj, duke i thënë policisë se ajo e kreu vrasjen për vetëmbrojtje. Pesë vjet më vonë e njëjta adoleshente që ishte rritur dhe shkëlqeu akademikisht, u pranua nga Universiteti i Harvardit, deri në momentin kur e vërteta e së kaluarës së saj doli sërish në sipërfaqe.
Miqtë e saj thanë se Gina ishte e nënshtruara e stresit emocional të shkaktuar nga vdekja e babait të saj dhe alkoolizmi i nënës. E vërteta është se babai i saj, Charles Grant, vuante nga kanceri në mushkëri dhe ndërroi jetë kur Gina ishte 11 vjeçe.
Dorothy Mayfield, 43 vjeçe, nëna e të pandehurës i kishte kaluar vitet e fundit si e varur ndaj alkoolit. Grant pohoi më vonë se nëna e saj e kishte dhunuar fizikisht atë dhe motrën e saj më të vogël, e cila ishte vetëm 9 vjeçe kur ndodhi vrasja. Për abuzimin e tyre nga e ëma, ka dëshmuar edhe motra e vogël, e cila mbrojti Xhinën.
Të gjitha faktet e mësipërme që u bënë të ditura, luajtën një rol lehtësues gjatë gjykimit të çështjes së adoleshentes, e cila u deklarua e pafajshme për akuzën e vrasjes me paramendim. Si rezultat, ajo u dënua me një vit paraburgim për të mitur, me kusht, deri në moshën 18 vjeçe. I dashuri i saj, futbollisti Jack Hook, me të cilin ajo bashkëpunoi për të mbuluar gjurmët e saj, nuk i kundërshtoi akuzat, duke pranuar rolin e tij si ndihmës i vrasjes dhe kaloi gati një vit në një strukturë për të mitur. Megjithatë, gjykata për të mitur e lejoi Xhina Grantin të vazhdonte studimet, duke i dhënë leje për t'u transferuar te xhaxhallarët e saj në Kembrixh, Massachusetts. Aty e priste një jetë tjetër.
Suksesi akademik dhe Harvardi
Në Massachusetts dhe larg nga e kaluara e saj e shëmtuar dhe e përgjakshme, Gina po ndërtonte një jetë ndryshe. Ajo që mund të kishte pasur nëse do të rritej në një mjedis më pak të dhunshëm dhe të paqëndrueshëm. Kursi i saj në Kembrixh Rindge dhe Shkollën e Mesme Latine u kurorëzua me sukses pasi ajo bëri përparim të jashtëzakonshëm akademik. Në janar 1995, Gina bëri të pamundurën pasi arriti të pranohej herët për të studiuar në Universitetin e Harvardit. Në të njëjtën kohë ajo u pranua edhe në Universitetin e Kolumbisë, Kolegjin Barnard dhe Universitetin Tufts. Në intervistën e pranimit në Harvard, ajo pohoi se nëna e saj kishte vdekur në një aksident. Megjithatë, tre ditë para pranimit, një dosje provash e dorëzuar personalisht në gazetat e Harvardit dhe Bostonit nga një person i panjohur përmbante raporte gazetash nga koha e krimit që komentonin incidentin dhe rolin e Grantit në vrasjen e nënës së saj. Universiteti tërhoqi propozimin e tij.
"Unë përballem me këtë tragjedi çdo ditë në një nivel personal. Nuk i shërben asnjë qëllimi të mirë që dikush tjetër të rijetojë dhimbjen e fëmijërisë sime.", tha Grant, në një deklaratë. Edhe në dritën e faktorëve lehtësues që gjyqtarët morën parasysh, Harvardi nuk e pranoi Xhinën.
Universiteti i Kolumbisë dhe Universiteti Barnard po ashtu zgjodhën të anulonin ofertat e tyre kur historia e Grant u bë virale. Presidenti i Universitetit Tufts, John DiBiaggio, zgjodhi të mos i vinte re këto lajme, madje e mbështeti fuqishëm vendimin e fondacionit të tij. Grant mori pjesë në Tufts si anëtare e klasës së vitit 1999./K.C/dritare.net
