Kjo këmishë ikonike vodhi zemrat e një brezi. Tani është në shitje!
E Martë 5 Mars 2024, 13:01
Dritare.net
Ishte këmisha që vodhi një brez zemrash dhe tani është në dispozicion për t'u blerë. Këmisha legjendare me kopsa të bardha, pritet të arrijë mijëra dollarë në ankand. Këmisha e bardhë prej liri, mund të shitet deri në 12,700 dollarë, sipas Kerry Taylor Auctions , e cila është duke organizuar shitjen. Veshja e stilit të viteve 1810, e projektuar nga Dinah Collin, përmban një etiketë nga kostumi Cosprop e cila lexon: "Këmishë CP Darcy Wet", citon CNN.
Duke kujtuar momentin kur këmisha bëri histori te filmi, Collin tha:
"Momenti i këmishës së lagur të zotit Darcy nuk ishte shkruar kurrë. Kjo ndodhi në diskutimet mes meje dhe të ndjerit Christopher Prins, i cili në atë kohë ishte kreu i veshjeve për meshkuj në Cosprop. Për shkak se lakuriqësia mashkullore në ekran nuk ishte e lejuar. Skena e shndërroi Colin Firth nga një aktor i respektuar, klasik në simbol seksi brenda natës”.
Këmisha është një nga dhjetëra veshjet e dyqanit Cosprop, të cilat do të dalin në ankand në ndihmë të bamirësisë për edukimin e arteve The Bright Foundation, e krijuar nga stilisti i kostumeve, fitues i çmimit Academy, John Bright./M.K-dritare.net
