Dita e 10-të e protestës për Zvërnecin, protestuesit marshojnë drejt Kryeministrisë
E Martë 9 Qershor 2026, 18:06
Dritare.net
Për të dhjetën ditë radhazi, qytetarët janë mbledhur këtë të martë në Tiranë për të vijuar protestën kundër projektit të parashikuar në Zvërnec. Ashtu si në ditët e mëparshme, protestuesit kanë nisur grumbullimin në sheshin “Skënderbej”, për t’iu drejtuar më pas Kryeministrisë, ku po zhvillohet tubimi kryesor.
Kundërshtimi i projektit në Zvërnec mbetet në qendër të protestës, ndërsa pjesëmarrësit kanë përsëritur kërkesën për dorëheqjen e qeverisë. Një pjesë e tyre kanë artikuluar gjithashtu nevojën për krijimin e një alternative të re politike./K.C/dritare.net
