Ndryshimet që ka sjellë qeveria Rama! Flet Milena Harito
E Premte 13 Dhjetor 2024, 16:04
Dritare.net
Shqipëria ka përjetuar një transformim të dukshëm në infrastrukturë dhe turizëm, duke u shëndërruar në një destinacion tërheqës për ndërkombëtarët. Milena Harito e ftuar në emisionin Dekalog nga Roland Wafoku në DritareTv u shpreh se investimet e qeverisë kanë përmirësuar ndjeshëm qasjen dhe përvojën e udhëtarëve.
“Gjatë viteve të fundit qeveria ka arritur një zhvillim shumë cilësor të infrastrukturës dhe një hapje e turizmit, që nuk ekzistonte më përpara. Ka një zhvillim të qyteteve, fshatrave në të gjithë territorin. Unë e kuptoj që kur jeton në Shqipëri ankohesh për qeverinë, por kjo nuk ndodh vetëm aty, ndodh edhe në Francë edhe në vendet e tjera të botës, por e rëndësishmja është se ka gjëra të mëdha të cilat kanë ndryshuar. Edhe hapja e Shqipërisë kundrejt botës është një ndryshim. Unë vë re që në lajmet shqiptare ka edhe lajme nga bota gjë që më përpara në televizione nuk ishte. Kjo është një meritë e gjithë shqiptarëve që jetojnë jashtë, por edhe familjarëve të tyre që i kanë ende këtu. Mos të harrojmë të përmendim politikën e jashtme të Shqipërisë e cila sigurisht ka një rol të rëndësishëm.”-u shpreh Milena Harito për Dritare TV/K.K dritare.net
