Foto marrë nga BBC
Në një konferencë të përbashkët me Keir Starmer, Presidenti amerikan Donald Trump ka deklaruar se ka qenë në gjendje të zgjidhë shtatë konflikte të konsideruara të pazgjidhshme.
Trump ka shtuar se, falë angazhimit të NATO-s për të shpenzuar 5% të PBB-së për mbrojtje, ai besonte se lufta në Ukrainë do të kishte mundur të përfundonte më shpejt, falë marrëdhënies së tij të afërt me presidentin rus, Vladimir Putin.
Megjithatë, Trump pranoi se presidenti Putin e kishte zhgënjyer, dhe se, përkundër përpjekjeve të tij për të arritur një marrëveshje përfundimtare për luftën në Ukrainë, ende nuk ishte realizuar një marrëveshje. Ai e kujtoi takimin e tij me Putinin në Alaska muajin e kaluar, ku kishte shpresuar për një përparim të madh në zgjidhjen e konfliktit.
Në lidhje me luftën në Gaza, Trump theksoi se është duke punuar shumë për të gjetur një zgjidhje dhe shprehu besimin se "do ta bëjmë siç duhet". Ai shtoi se është i gatshëm të përdorë të njëjtën strategji dhe përkushtim për të sjellë një fund të ngjashëm edhe në Ukrainë./BBC /E.P-dritare.net
