Gjon’s Tears tregon cilat janë këngët e preferuara shqiptare!
Dritare.net
Këngëtari shqiptar, Gjon’s Tears i cili përfaqësoi Zvicrën këtë vit në Eurovision, trrgoi preferencat e tij muzikore sa i përket tregut shqiptar. Gjoni i ftuar në Soiree është pyetur nëse ka ndonjë këngë shqiptare që i pëlqen shumë dhe që do dëshironte të ishte e tij. Nuk u mendua dy herë për përgjigjen.
Këngëtari 22-vjeçar ka treguar se dy këngët shqiptare që i pëlqejnë dhe i ka dëgjuar qysh i vogël janë nga Orinda Huta dhe Pirro Çako.
“Janë dy këngë me të cilat jam rritur me to. Janë “Tani e Di” e Orinda Hutës. Këtë këngë e mbaj mend që fëmijë dhe e këndoja. Dhe kënga “Për një çast” me Pirro Çakon dhe Rovena Dilon. Këto janë dy këngë që më pëlqejnë, por më së shumti kjo e fundit, sepse më përshtatet më shumë”, është shprehur Gjon Muharremaj.
Ndër të tjera ai ka treguar se do dëshironte të bashkëpunonte me një këngëtare shqiptare dhe ajo është Dua Lipa. Gjon shtoi se Dua i pëlqen shumë dhe sigurisht do dëshironte të kishin një këngë në bashkëpunim./L.F-dritare.net