Foto/ Digjet sërish makina e personazhit të njohur në TikTok, Kozak!
E Shtunë 2 Dhjetor 2023, 09:09
Dritare.net
Është shkrumbuar sërish automjeti i personazhit të njohur në TikTok, Kozak Braçi.
Lajmi është konfirmuar nga vetë ai i cili ka ndarë edhe pamjet kur makina e tij është përfshirë nga flakët.
Krahas fotove Kozak shkruan se nëse autori nuk gjendet nga shteti, do e gjejë vetë.
“Po nuk e gjeti shteti këtë herë, do e gjej vetë. Jam çuar në 4 të mëngjesit dhe kam parë këtë pamje, duke mu djegur makina. Në shtëpi dhe në makinë lëviz fëmija ime 6 muajsh. Është e disata herë që ndodhin këto gjëra. Dikush që ka diçka me mua le të më gjejë 24 orë rrugëve jam, por jo tek makina dhe shtëpia ime, ku ka vetëm gra e fëmijë”, shkruan ai./M.K-dritare.net
