Bill Gates dëshmon para Kongresit për lidhjet me Jeffrey Epstein
E Mërkurë 10 Qershor 2026, 17:05
Dritare.net
Miliarderi dhe bashkëthemeluesi i Microsoft-it, Bill Gates, është paraqitur sot para një komiteti të Kongresit të SHBA-së në një seancë dëgjimore lidhur me hetimet mbi lidhjet e tij me Jeffrey Epstein.
Gates ka dëshmuar në një seancë të mbyllur para Komitetit të Mbikëqyrjes së Dhomës së Përfaqësuesve, ku është pyetur për marrëdhëniet e tij të mëparshme me Epstein dhe për çdo dijeni të mundshme mbi aktivitetet e tij kriminale.
Gjatë dëshmisë së tij, Gates ka deklaruar se takimet me Epstein kanë qenë një “gabim i rëndë gjykimi”, duke shtuar se nuk ka pasur dijeni për veprimet kriminale të financierit të ndjerë.
Ai ka theksuar gjithashtu se kontaktet me Epstein kanë qenë të kufizuara në çështje filantropike dhe se nuk ka pasur asnjë bashkëpunim financiar apo institucional me të.
Hetimi i Kongresit është pjesë e një hetimi më të gjerë mbi rrjetin e kontakteve të Epstein me figura të njohura politike, biznesi dhe akademike. Gates nuk është akuzuar për ndonjë vepër penale dhe ka deklaruar gatishmërinë për të bashkëpunuar me autoritetet./dritare.net
