Deputetja britanike bën deklaratën e fortë për situatën në veri të Kosovës!
E Martë 30 Maj 2023, 11:11
Dritare.net
Deputetja britanike Alicia Kearns ka reaguar pas përplasjeve të djeshme mes serbëve dhe forcave të KFOR, ku pati 25 të plagosur.
Përmes disa postimeve në twitter ajo shkruan se dënon sulmet e serbëve në veri të Kosovë dhe gjithashtu shkruan se armët janë duke u zhvendosur me ambulanca dhe fshihen nëpër kisha.
“NATO, KFOR luan një rol jetik, neutral në ruajtjen e paqes dhe mbrojtjen e civilëve në Kosovë. Sulmet ndaj tyre dhe gazetarëve duhet të ndalen.
Furnizimi me armë në veri të Kosovës nga Serbia për të armatosur bandat në punësimin e elementëve në Beograd janë të papranueshme dhe thellësisht shqetësuese
Mbetjet e armëve zhvendosen me ambulanca, madje ruhen në kisha për të fshehur armatimin e milicisë”, shkruan deputetja britanike.
Deputetja ka edhe një mesazh për ndërkombëtarët ku u thotë se serbët po vazhdojnë të minojnë stabilitetin në veri të Kosovës.
“Aktorët ndërkombëtarë duhet të ndalojnë para se të sulmojnë zyrtarët e zgjedhur në mënyrë demokratike që marrin zyrat e tyre në veri të Kosovës. Jo më pak kur ata qëndrojnë të heshtur dhe nuk arrijnë të thërrasin militantët e mbështetur dhe të armatosur serb, të cilët vazhdojnë të minojnë stabilitetin në veri të Kosovës”, thotë deputetja britanike./A.ZH-dritare. net
