Megan Fox ndahet nga Machine Gun Kelly, pak para sjelljes në jetë të fëmijës!
E Mërkurë 11 Dhjetor 2024, 19:07
Dritare.net
Megan Fox dhe Machine Gun Kelly thuhet se janë ndarë vetëm disa javë pasi njoftuan se janë në pritje të fëmijës së tyre të parë.
Lajmin e dha TMZ, ndërsa Daily Mail raporton se ndarja ndodhi gjatë fundjavës së Falenderimeve, të cilën ata e kaluan së bashku në Vail, Kolorado.
Konkretisht, aktorja e njohur “gjeti në telefonin e Machine Gun Kelly një material që e mërziti dhe e bëri të dëshironte të largohej herët nga udhëtimi”. Më pas muzikanti u largua dhe që atëherë të dy nuk janë parë më.
Burime të reja nga ambienti i 38-vjeçares thanë: “Ajo është e bindur që Kelly po e tradhton ose e ka tradhtuar. Ajo e ka akuzuar atë se i ka dërguar mesazhe një grupi vajzash. Asaj iu mbush kupa me sjelljen e tij dhe mënyrën se si e trajtoi atë. Gjëja më e rëndësishme në botën e Megan tani është foshnja e saj e palindur dhe ajo nuk e ka problem ta rrisë fëmijën vetë. Ajo e ka lënë atë në të kaluarën, por këtë herë ndarja duket se është përfundimtare.”, tha një burim i afërt me këngëtaren./K.C/dritare.net
