OBSH: Spitali al-Shifa në Gaza është një zonë vdekjeje
E Diel 19 Nëntor 2023, 08:08
Dritare.net
Organizata Botërore e Shëndetësisë (OBSH) e ka përshkruar spitalin al-Shifa në qytetin e Gazës si një "zonë vdekjeje" pas një vizite në kompleks. Një ekip i përbashkët i OKB-së i udhëhequr nga OBSH-ja e vlerësoi spitalin për një orë pas pushtimit dhe evakuimit të tij nga ushtria izraelite.
Ekipi tha se ata panë prova të granatimeve dhe të shtënave me armë dhe vëzhguan një varr masiv në hyrje të spitalit, që mbante eshtrat e 80 njerëzve.
Pas urdhrave të evakuimit të lëshuara nga ushtria izraelite, 300 pacientë të sëmurë rëndë mbeten në al-Shifa, dikur spitali më i madh dhe më i avancuar në Gaza.
OBSH-ja tha se po përpiqej të organizonte evakuimin urgjent të pacientëve dhe stafit të mbetur në objektet e tjera në Gaza dhe ka bërë thirrje të përsëritura për një armëpushim.
Ndërkohë, Shtëpia e Bardhë i është përgjigjur një raportimi në Washington Post, i cili thoshte se Izraeli, Hamasi dhe SHBA ishin në prag të një marrëveshjeje që do të shihte lirimin e grave dhe fëmijëve të kapur nga Hamasi më 7 tetor në këmbim të një pauze pesëditore.
Një zëdhënës i Shtëpisë së Bardhë tha se ende nuk ishte arritur një marrëveshje e tillë, por po punohej shumë në këtë drejtim.
Kryeministri i Izraelit, Benjamin Netanyahu, ka përjashtuar një armëpushim të plotë me Hamasin dhe tha se do të konsiderojë vetëm një armëpushim të përkohshëm në këmbim të kthimit të pengjeve të rrëmbyera nga grupi./K.C/dritare.net
