Rusia lëshon urdhër-arrest për Yulia Navalnaya. Për çfarë akuzohet e veja e Alexei Navalny!
E Martë 9 Korrik 2024, 19:07
Dritare.net
Gjykata Basmani e Moskës lëshoi një urdhër arresti në mungesë për Yulia Navalnaya, e veja e politikanit të ndjerë të opozitës Alexei Navalny, i cili vdiq në burg në shkurt. Zonja Navalnaya akzohet për anëtarësimin në një grup ekstremist.
Vendimi nënkupton se ajo do të arrestohet nëse kthehet në vend, gjë që ndoshta nuk e ka ndërmend ta bëjë.
"Yulia Borisovna (Navalnaya) i shmangu hetimit paraprak dhe për këtë arsye është vënë në listën e të kërkuarve.", tha shërbimi për shtyp i gjykatave të Moskës në një postim në Telegram.
Faqja e internetit Mediazona raporton nga ana e saj se në faqen e gjykatave të Moskës nuk ka asnjë informacion për seancën në gjykatën e Basmanit. Kjo do të thotë se ato u ndaluan qëllimisht në mënyrë që askush të mos e shikonte gjyqin, i cili sipas përkufizimit zhvillohet në procedurë të hapur, tha botimi.
Sipas akuzës, 47-vjeçarja Navalnaya rrezikon deri në gjashtë vjet burg.
Në komentin e saj për X, Navalnaya sulmoi edhe një herë presidentin rus Vladimir Putin, duke e quajtur atë një "vrasës dhe kriminel lufte".
Ajo gjithashtu u bëri thirrje mbështetësve të saj që të mos fokusohen në vendimin e gjykatës kundër saj, por në luftën kundër Putinit. “Kur shkruani për këtë, ju lutemi mos harroni të shkruani gjënë kryesore: Vladimir Putin është një vrasës dhe një kriminel lufte. Vendi i tij është në burg dhe jo diku në Hagë, në një qeli të rehatshme me televizor, por në Rusi, në të njëjtën koloni (penale) dhe në të njëjtën qeli 2 me 3 metra në të cilën ai vrau Alexei.", shkroi ajo./K.C./dritare.net
