Armiqtë e fertilitetit mashkullor! Flet mjekja
E Hënë 8 Dhjetor 2025, 21:09
Dritare.net
Infertiliteti mashkullor është në rritje dhe shkaqet shpesh gjenden tek mënyra se si jetojmë. Në një intervistë për Dritare TV, mjekja Drilona Ndrevataj ndau një sërë këshillash e të vërtetash për çështje të rëndësishme që shpesh mbeten tabu në shoqëri: funksioni seksual pas të 40-ave, infertiliteti te meshkujt, shëndeti i prostatës dhe problemet uro-gjenitale tek femrat.
Për një çift të ri që kërkon të bëhet me fëmijë, hapi i parë nuk është gjithmonë mjekimi, por edhe ndryshimi i stilit të jetesës, si heqja dorë nga abuzimet, aktiviteti fizik dhe reduktimi i stresit kronik.
Një tjetër shkaktar i shpeshtë i infertilitetit tek të rinjtë është varikoçeli, zgjerimi i venave në testikuj që rrit temperaturën lokale dhe dëmton prodhimin e spermatozoidëve. Ndërhyrja kirurgjikale për varikoçelin është një procedurë efektive që, sipas eksperiencës klinike të urologëve (edhe pse debatohet në literaturë), sjell një përmirësim të dukshëm të parametrave të spermës në analizën e spermiogramës.
Diagnostikimi i hershëm i kësaj patologjie mund të shpëtojë fertilitetin e një mashkulli në të ardhmen./dritare.net
