Kungulleshka me gjizë, që të lëpini gishtat!
E Hënë 25 Prill 2022, 09:09
Dritare.net
Kjo është koha e kungujve, dhe recetat për t’i gatuar ndonëse janë të shumta asnjëherë nuk mjaftojnë. Edlira Ruzi, duararta e Gatuaj në Dritare, na sjell një recetë fantastike.
Produktet
Kungulleshka me gjizë
3-4 kungulleshka
1 vezë
250 gramë gjizë
50 gramë djathë kaçkavall i grirë
Kripë, piper, arrë moskat
2 garuzhde me tul domatesh
1 thelb hudhër
Vaj ulliri
Receta
Në një enë me vaj ku kemi trazuar një hudhër, shtojmë salcën e domateve. Presim në feta kungujt. I vendosim në një tepsi dhe i lyejmë me kripë e piper. Shtojmë gjizën në një tas, vezën dhe grijmë pak arrë moskat. Në fund shtojmë djathin e grirë. I përziejmë të gjithë ingredientët. Më pas në një tavë shtrojmë salcën, ndërsa kungujt i mbledhim me masën e përgatitur me gjizën. Roletë i vendosim në tavën me salcë. I pjekim në furrë dhe voila, gati për t’i shijuar./L.F-dritare.net
