Rrapi është ndalesa e parë e çdo vizitori në Libohovë.
Me lartësi 32 m ky rrap është simboli i Libohovës.
Me një moshë 550 vjeçare, ka pritur e përcjellë që prej kohës së Skënderbeut, e deri në kohët e sotme.
Rrapi rrethohet nga disa kroje që rrjedhin ujë të freskët e të pastër, të cilat burojnë nga mali Bureto.
E pavarësisht moshës së vjetër të këtij rrapi, pas tij qëndron dhe një legjendë. Legjenda thotë se një bari gjeti një shkop afër burimit të malit dhe e nguli atë thellë në tokë. Për çudinë e tij shkopi u kthye menjëherë në një pemë të madhe me degë gjigande, ashtu siç është sot.
Kjo ka ndodhur në shekullin e XVI dhe rrapi është ende plot, me gjithë degët e shtrira të tij. E habitshme është se pema nuk thahet kurrë. Degët e tij janë të harkuara aq bukur, sa duket sikur Zoti i ka krijuar me dorën e tij.
Rrapi zë një hapësirë rreth 1100 metra katrorë dhe për vjetërsinë që ka, ky Rrap, është shpallur monument natyre e kategorisë së parë./L.F-dritare.net
