Dhunimi i të moshuarës në azilin në Pejë/ Reagojnë ashpër Vipat!
E Mërkurë 2 Nëntor 2022, 18:06
Dritare.net
Video e cila po qarkullon masivisht në rrjetet sociale ku në një azil në Pejë tre infermiere dhunojnë brutalisht një të moshuar ka zgjuar reagime të forta jo vetëm nga opinioni publik por edhe nga personazhe të njohur.
Prezantuesja dhe blogerja Liberta Spahiu është shprehur e revoltuar. Në reagimin e saj në Instagram, ajo shkruan se do ta bënte për spital punonjësen teksa pyet ndjekësit nëse ia dinë emrin vajzës në fjalë.
“Këta kriminele bashkë me këto tjerat që po zgërdhihen, i kisha lidh për flokësh në kerr e i kisha ngrehë zhag nëpër qytet pa ndërpre! Krijesë e flliqtë! Emrin e saj le ta siguron dikush që mos m'i lon vend me u shfaq kurrë mo në qytet”, ka shkruar e revoltuar moderatorja e njohur.
Gjithashtu deputetja dhe artistja Ardiana Matoshi ka reaguar në një status në profilin e saj zyrtarë në Facebook lidhur me ngjarjen e rëndë.
"Dhimbje, lot, mall e merzi.Kushedi si ka perfundu ajo gru ne “Shtepine e Pleqeve ne Peje. Tu i bajte malle fmite? Familjaret? Tu dashte me gjete qetesi ne vitet qe i kane mbete, ajo gjendet mes flakareshave e t’keshmeve histerike te “motrave medicinale! TURP E TMERR.”, shkruan aktorja në Facebook!
Edhe këngëtari i njohur Yll Limani e ka shpërndarë videon kur tregohet momenti i dhunës ndaj të moshuarës, të cilën e konsideron një ngjarje të rëndë.
“Video ma shqetësuese dhe zmërthyese që e kam parë vitet e fundit. Sa më shpejtë të publikohet emrin e institucionit ku ka ndodhur kjo ngjarje e tmerrshme, emrin e kësaj kafshës që po ushtron dhunë, emra e njerëzve që i kanë punësuar k’to lopa dhe kështu me radhë...Ishalla digjen në ferr e ua kthen Zoti ku ju dhemb më shumë më së shumti. Amin!”, shkruan Ylli Limani në Instagram.
Reagime tw njwjta kanw ardhur edhe nga Iva Tiço, Tayna, Dafina Zeqiri, Gold AG dhe Julka Gramo. E moshuara ndaj së cilës është ushtruar dhunë sot në Shtëpinë e Pleqve në Pejë është nënë e dëshmorit Taulant Nuraj. /M.K/dritare.net
