Rusia lëshon urdhër-arrest për disa zyrtarë të policisë, reagon Kosova: Nuk pritet asgjë mirë!
E Hënë 4 Mars 2024, 13:01
Dritare.net
Ministri i Punëve të Brendshme, Xhelal Sveçla ka deklaruar se është informuar zyrtarisht për fletarrestim ndërkombëtar ndaj komandantit të Njësisë Speciale, Besart Ahmeti. Ditëve të fundit është raportuar se Rusia ka lëshuar fletë-arrest ndërkombëtar për disa zyrtarë të njësive elite të Policisë së Kosovës. Sveçla ka thënë se nga Rusia nuk pritet asgjë mirë, por siç është shprehur ai, kjo nuk është brengë e tij e as e Ahmetit.
"Prej Rusisë nuk pritet asgjë mirë, Besarti është mirë e dimë, e kemi informatën zyrtare, por nuk është ajo brenga as e imja, as e Besartit", ka deklaruar Sveçla.
Me lëshimin e këtij fletarrestimi, Rusia ka kërkuar që këta zyrtarë policorë kosovarë të futen në listën e kërkimit të INTERPOL-it./kohanet
