Shikoni si duken mushkëritë e personave të vaksinuar dhe atyre të pavaksinuar ndaj kovid!
E Hënë 30 Gusht 2021, 21:09
Dritare.net
Ministria e Shëndetësisë në Kosovë, përmes një video ka treguar gjendjen e mushkërive të pacientëve të vaksinuar dhe atyre të pa-vaksinuar.
Në pamjet e Ministrisë së Shëndetësisë pulomologu Shpëtim Thaçi, ka treguar se personat që janë vaksinuar janë duke e kaluar më lehtë koronavirusin. Ai ka thënë se personat e vaksinuar të sëmurë me kovid do të kalojnë një formë të lehtë të sëmundjes me ndryshime minimale në shëndet, duke mos pasur nevojë të hospitalizohen dhe duke mbrojtur jetën e tyre.
Kurse sipas tij personat e pavaksinuar e të sëmurë me koronavirus do të mund të kalojnë një formë të rëndë të sëmundjes për shkak të prekjes së madhe të sistemit respirator nga ky infeksion./M.T/dritare.net
