Foto/ Ky është Miss-i i parë i krijuar nga AI! Rrëmben kurorën e bukurisë!
E Enjte 11 Korrik 2024, 09:09
Dritare.net
Kenza Layli, është shpallur Miss i parë i krijuar nga AI. Me afro 200,000 ndjekës në Instagram dhe 45,000 të tjerë në TikTok, Layli është krijuar tërësisht nga AI.
“Fitimi i Miss AI më motivon edhe më shumë të vazhdoj punën time në avancimin e teknologjisë së AI. AI nuk është vetëm një mjet; është një forcë transformuese që mund të sfidojë normat dhe të krijojë mundësi që nuk kanë ekzistuar më parë”, shprehej Layli në fjalimin e saj, pasi rrëmbeu kurorën e Miss-it.
Layli u krijua nga Myriam Bessa, themeluesja e agjencisë Phoenix AI, e cila do të marrë 5,000 dollarë para.
Përpara shpalljes së Miss-it, organizatorët e konkursit u shprehën se pjesëmarrësit do të gjykoheshin jo vetëm nga pamja, por edhe nga përdorimi i mjeteve të AI nga krijuesit e tyre, si dhe nga ndikimi i tyre në mediat sociale.
Garuesit e AI duhej t'u përgjigjeshin pyetjeve të ngjashme me konkurset reale njerëzore, të tilla si: "Nëse do të mund të kishit një ëndërr për ta bërë botën një vend më të mirë, cila do të ishte ajo?"
Lidhur me këtë konkurs, ekspertët kanë shprehur kritika:
"Unë mendoj se ne po fillojmë të humbasim gjithnjë e më shumë lidhjen me të natyrshmen," tha Kerry McInerney, një bashkëpunëtor kërkimor për të Ardhmen e Inteligjencës në Universitetin e Kembrixhit./M.K-dritare.net
