Kjo linjë ajrore dëshiron që ju të udhëtoni pa rroba!
E Martë 12 Shtator 2023, 19:07
Dritare.net
Sa më i lehtë të jetë një aeroplan, aq më e vogël është gjurma e karbonit që lë në atmosferë. Kështu mendoi Japan Airlines kur nisi një program pilot që u ofron udhëtarëve nga jashtë mundësinë të marrin me qira rroba për qëndrimin e tyre në vend paraprakisht, në mënyrë që të mos kenë nevojë të mbajnë valixhet dhe të ngarkojnë avionin.
Në një lëvizje pioniere të ndërgjegjshme për mjedisin, siç raportohet nga CNN, Japan Airlines po zbaton programin "Any Wear, Anywhere", i cili do të zgjasë deri në fund të gushtit. Programi është krijuar në mënyrë që pasagjerët që shkojnë në "tokën ku lind dielli" mund të mbajnë vetëm një ose dy bagazhe dore.
Ky fakt do të thotë që linja ajrore mund të vlerësojë më mirë ndikimin mjedisor me më pak bagazheve, duke ulur ndjeshëm peshën e avionit. Kur avioni ulet në Tokio, Osaka ose Fukuoka, rrobat, të përshtatura në madhësi dhe stile të ndryshme, dërgohen në hotelet ku udhëtarët kanë rezervuar qëndrimin e tyre. Nëpërmjet aplikacionit përkatës "Any Wear, Any Where", udhëtarët mund të rezervojnë paraprakisht rrobat që u nevojiten deri në një muaj përpara dhe kanë dy javë kohë për t'i përdorur ato. Duke theksuar qëllimin e udhëtimit të tyre, aplikacioni mund të japë sugjerime specifike për veshje./K.C/dritare.net
