Një herë në 437 vite! Kometa Nishimura do të përshkojë qiellin në fundjavë!
E Enjte 7 Shtator 2023, 10:10
Dritare.net
Këtë javë, vëzhguesit e yjeve në hemisferën veriore mund të kenë shansin një herë në 437 vite për të vëzhguar kometën, pasi u identifikua disa javë më parë.
Një kometë e quajtur Nishimura e zbuluar vetëm një muaj më parë mund të jetë e dukshme me sy të lirë këtë fundjavë, duke u ofruar vëzhguesve të yjeve një shans në 437 vjet për të vëzhguar vizitorin qiellor, citon The Guardian.
Topi i shkëmbinjve dhe akullit, madhësia e saktë e të cilit mbetet e panjohur është emëruar sipas astronomit amator japonez Hideo Nishimura, i cili e vuri re për herë të parë më 11 gusht. Është e rrallë që kometat të arrijnë momentin e tyre të shikueshmërisë kaq shpejt, tha Nicolas Biver, një astrofizikan në Observatorin e Parisit.
Kometa lëkundet pranë diellit vetëm çdo 437 vjet, tha ai, një periudhë e gjatë orbitave në sistemin e jashtëm diellor. Kur kometat i afrohen diellit nga pafundësia e hapësirës, nxehtësia bën që bërthama e tij e akullit të kthehet në pluhur dhe gaz, të cilat formojnë një bisht të gjatë. Drita e diellit reflektohet nga ky bisht, duke na lejuar të shohim kometat nga Toka. Nishimura, e cila ka emrin shkencor C/2023 P1 do të kalojë më afër diellit më 17 shtator. Do të jetë 33 milion km (20 milion milje) nga dielli, që është më pak se një e katërta e distancës midis Tokës dhe diellit, tha Biver. Kometa më pas do të kalojë e padëmshme nga Toka në një distancë prej 125m km.
Për shikuesit e yjeve, kometa do të jetë më e lehtë për t'u vëzhguar këtë të shtunë dhe të dielë, veçanërisht në hemisferën veriore.
“Gjëja më e mirë për të bërë është të shikoni qiellin para lindjes së diellit, në një drejtim veri-lindor në të majtë të Venusit”, tha Biver.
Njerëzit me dylbi të vogla do të mund të shijojnë lehtësisht spektaklin. Por, nëse kushtet lejojnë, kometa mund të jetë e dukshme edhe me sy të lirë.
Bishti i kometës është i gjelbër sepse përmban më shumë gaz sesa pluhur, tha Biver./M. K-dritare.net
