Receta/ Muffins me vezë dhe perime, ideale për një mëngjes të shëndetshëm!

Receta e rekomanduar për këtë mëngjes është muffins me vezë dhe brokoli. Kjo recetë përgatitet lehtë dhe përmban tepër vlera ushqyese, pasi përbërës kryesor ka perimet e freskëta.

Përbërësit:

· 1 lugë gjelle vaj

· 150 gr brokoli të grirë hollë

· 1 spec i kuq, i grirë hollë

· 2 qepë të vogla, të prera në feta

· 6 vezë të mëdha

· 1 lugë gjelle qumësht

· 1 lugë kafe piper i kuq

· 50 gr djathë cheddar

Përgatitja:

Fillimisht ndizni furën në temperaturën 200 gradë. Më pas grijini perimet si brokoli, specin dhe qepët dhe hidhni për skuqje në një tigan me vaj. Lërini të skuqen për 5 minuta dhe lyrni më pas të ftohen.

Nga ana tjetër, rrihni vezët me qumështin, piperin e kuq dhe gjysmën e djathit në një enë. Pas kësaj shtoni perimet dhe të gjithë masën hidheni në vrimat e muffins dhe shtoni djathin. Piqni për 15-17 minuta./M.K-dritare.net