Gjykimet e të tjerëve nuk po më lënë të jetoj!
E Hënë 12 Shtator 2022, 10:10
Dritare.net
Përshëndetje Dritare.net! Unë që po ju shkruaj jam një vajzë 20-vjeç dhe që kohët e fundit kam filluar të kem frikë nga ato që të tjerët thonë dhe mendojnë për mua. Po më kthehet vërtet në një gjendje shumë problematike. Si mund ta menaxhoj këtë situatë?
Psikologe Enertila Bekteshi, përgjigjet!
Përshëndetje lexues të Dritare.net!
Të gjithë mund të ndihemi paksa të frikësuar kur të tjerët flasin për ne. Njerëzit që pothuajse kanë frikë nga njerëzit për shkak të frikës se mos gjykohen, mund të ndalojnë së ndjekuri disa ngjarje për shkak të frikës që ndjejnë kur ndërveprojnë me të tjerët. Kur ju ndjeni këtë frikë për t’;u gjykuar , mund të arrini të besoni se të tjerët nuk duan të jenë miqtë tuaj apo edhe t’ju përjashtojnë në situata të caktuara shoqërore.
Nëse ndjeni frikë nga gjykimi i të tjerëve , media sociale mund të jetë një burim ankthi ekstrem. Unë mendoj se ka disa arsye pse mund të kemi frikë nga ajo që mendojnë të tjerët. Mungesa e vetëvlerësimit ,të kesh vetëbesim të ulët mund t’ju bëjë më të prirur të vuani nga kritikat dhe gjykimet. Momentet e një periudhe kohe të keqe mund të të bëjë të kemi frikë nga gjykimi i të tjerëve. Një tjetër arsyet pse mund të kemi frikë nga gjykimi i të tjerëve është ankthi i cili mund të kufizojnë marrëdhëniet tona me të tjerët dhe stilin tonë të jetesës.
Ju nuk duhet të shqetësoheni nga gjykimi i të tjerëve ndaj në këndvështrimin tim ju rekomandoj të njihni aftësitë dhe kufijtë tuaj,Ne të gjithë e dimë se në çfarë jemi të mirë dhe për çfarë. Në vend që të përqendroheni në aspektet negative të personalitetit tuaj, përpiquni të përfitoni nga ajo që është e mirë për ju. Mos lejoni që mendimet e të tjerëve t’ju ndikojnë te ju. Bëjeni veten një prioritet. Për të hequr dorë nga ajo që të tjerët mendojnë për ju, është e rëndësishme të filloni të vendosni veten në radhë të parë. Kjo do të thotë të shqetësoheni më shumë për vlerat dhe nevojat tuaja, dhe jo për ata që na rrethojnë. Nëse ju mendoni se këto mendime ndikojnë aq shumë te ju dhe pa ndalur dhe ju japin vazhdimisht një gjendje të keqe ju rekomandoj gjithashtu të merrni kontakt me një specialist. Shpresoj shumë t’ju kem lehtësuar me opinionin tim, gjithë të mirat./dritare.net
