Kam frikë se nuk do t’i përballoj dot sfidat e jetës! Të lutem më ndihmo!
E Hënë 31 Korrik 2023, 11:11
Dritare.net
Përshëndetje psikologe Enertila!
Unë që ju drejtohem jam një zonjë e cila nuk punoj, por kam një problem të vazhdueshëm me veten time. Ndiej shpeshherë se jam e mbingarkuar dhe kam një ndjenjë përshtypje për të mos përballuar sfidat e përditshme e cila po më pengon çdo ditë e më tepër. Ç’mund të më thoni ju për situatën time ju lutem. Faleminderit!
Përgjigjet psikologe Enertila Bekteshi!
Përshëndetje lexuesja jonë!
Stresi dhe ndjenja e të qenit i mbingarkuar mund të lindë nga shumë burime. Të qenit i mbingarkuar mund të përforcohet nga pritshmëritë që kemi. Kur ndihemi të mbingarkuar nga stresi, trupi dhe mendja jonë reagon përmes një sërë reagimesh fizike të cilat mund të ndikojë gjithashtu në performancën tonë të punës dhe marrëdhëniet personale. Praktikimi i ndërgjegjësimit për emocionet tuaja është një hap i parë në menaxhimin e stresit e dashur lexuesja jonë. Marrja e kohës për të reflektuar mbi ndjenjat tuaja, pranimi i tyre pa gjykim dhe mësimi për t'i pranuar ato mund të ndihmojë në uljen e intensitetit të emocioneve negative dhe mbingarkesës. Në këndvështrimin tim menaxhimi efektiv i kohës dhe planifikimi i strukturuar mund t'ju ndihmojnë të shmangni situatat stresuese dhe të ndiheni të mbingarkuar. Krijimi i një liste detyrash dhe vendosja e prioriteteve mund të zvogëlojë ndjenjat e shtypjes dhe të sigurojë një ndjenjë më të madhe kontrolli .Një opinion tjetër i imi mund të jetë që të mësoni të vendosni kufij dhe të refuzoni disa kërkesa, kur është e nevojshme, është thelbësore për të shmangur mbingarkimin e tepërt. Njohja e kufizimeve tuaja dhe dëgjimi i nevojave tuaja është një shenjë e respektit dhe kujdesit për veten. Aktiviteti fizik është një mënyrë e mirë për të çliruar tensionin dhe për të reduktuar stresin e për të liruar nga ndjenja e mbingarkesës. E dashur lexuesja jonë ndarja e ndjenjave mund të jetë e dobishme. Të kesh mbështetje mund të japë një ndjenjë lidhjeje dhe mirëkuptimi. Ndjenjat e mbingarkesës janë përvoja njerëzore, por mund të menaxhohen .Uroj shumë që mendimet e mia të jenë të vlefshme për ju. Gjithë të mirat e ditë të mbarë./dritare.net
