Shikoj ish-të dashurin në ëndërr. Si ta heq fiksimin!
E Hënë 26 Shtator 2022, 10:10
Dritare.net
Përshëndetje psikologe Enertila!
Unë që po ju drejtohem jam një vajzë që ju ndjek vazhdimisht. Kam pak kohë që jam ndarë nga i dashuri por kam disa javë që e shoh shpesh në ëndërr. A është normale, cili është mendimi juaj pasi nuk dua të fiksohem me të kaluarën.
Përshëndetje lexues të Dritare.net!
Në lidhje me ëndrrat dhe çfarë janë dhe pse ëndërrojmë, ekzistojnë teori të ndryshme, në fusha të ndryshme.
E zakonshme është ideja se gjumi është një paraqitje e asaj që ne mendojmë, kemi përjetuar, dhe se ai kryen funksion rigjenerues neurologjik .Shpesh ëndrrat janë shprehje e të pandërgjegjshme dhe zbulojnë karakteristika të ndryshme të personalitetit të ëndërrimtarit.
Të ëndërrosh një ish është në fakt një situatë që ndodh në një mënyrë shumë të zakonshme dhe është krejt normale, pavarësisht nëse lidhja ka përfunduar së fundmi apo për një kohë të gjatë.
Në rast se lidhja ka përfunduar së fundmi , është normale të kujtojmë dhe ëndërrojmë për ish-in, sepse ndoshta nuk jeni ndarë ende nga rutina dhe jeta e jetuar me këtë person. Kjo shpjegon pse ju ëndërroni gjëra të bëra së bashku, duke ndjerë sërish të njëjtat emocione, duke rijetuar situata që mund të mos i mbani mend edhe aq mirë. Gjithçka kthehet gjallërisht në mendje, përmes ëndrrës. Por kjo nuk duhet t'ju shqetësojë shumë dhe nuk do të thotë se jeni ende i dashuruar me ish-in tuaj. Thjesht kujton dashurin një ndjenjë e fortë që është e vështirë të harrohet. Por ëndrra mund të ketë edhe qëllimin për t'ju bërë të harroni ish-innjë përpunim i trurit tonë, për të vendosur midis kujtimeve dhe ndjenjave. Me kalimin e kohës do të jeni në gjendje të kuptoni nëse jeni ende të dashuruar apo jo dhe çfarë do të thotë në të vërtetë ajo që keni ëndërruar. Është normale që nëse shohim diçka që të kujton një kujtim ose një person, është normale të mendojmë për të. Keni kaluar shumë kohë me ish të dashurin , keni intimitet dhe besim të përbashkët dhe mund të ketë shumë situata që të bëjnë të mendosh për të. Ëndrrat, janë një përpunim subjektiv i asaj që jetojmë dhe mendimet tona, jehona e së shkuarës dhe madje edhe ish-at tanë mund të rishfaqen.
Prandaj, ëndërrimi i ish-it nuk është diçka e çuditshme apo e pazakontë, as nuk merr kuptime të veçanta në vetvete. Nëse, nga ana tjetër, do të ishte diçka që ju prek thellë, e qëndrueshme dhe e përsëritur në afat të gjatë, sigurisht që do t’ju duhet t'i bëni vetes pyetje për ndjenjat ndaj të kaluarës dhe ndaj situatës aktuale që po përjetoni. Uroj shumë që këndvështrimi im t’ju ndihmojë./dritare.net
