A do të ndryshojë moti këtë javë? Ja çfarë thotë sinoptikania Adiola Bani!
Dritare.net
Java që sapo ka nisur do të jetë në ritmet e asaj që lamë pas. Sinoptikania e Meteoalb Adiola Bani, ka bërë të ditur se temperaturat do të luhaten nga 37 në 38 gradë Celcius.Ulje të lehtë të temperaturave do të ketë në datat 18-20 gusht, por fundjave sjell sërish rritje të temperaturave.
“Territori shqiptar do të mbetet kryesisht me kthjellime në vendin tonë. Përjashtim bën vetëm zona malore, ku herë pas here do të ketë kalime vranësirash duke sjellë donjë shi të izoluar në skajin verior-verilindor.Për sa i përket temperaturave edhe kjo javë do vijojë të mbetet e nxehta. Vlerat termike do të luhaten nga 37 në 38 gradë. Presim freskim të përkohshëm të kushteve të motit nga data 18-20 gusht, por sërish fundjava do të sjellë rritje të ndjeshme të temperaturave të ajrit,” kaq thënë ajo./M.M-dritare.net