Açka: Rrethoni parlamentin, derisa pushtetarët të kuptojnë kush është zot i këtij vendi!
E Enjte 24 Nëntor 2022, 14:02
Dritare.net
Deputetja Flutura Açka ka reaguar në mënyrë të ashpër së fundmi mbi marrëveshjen e Portit të Durrësit. Edhe pse ende nuk ka folur sot në parlament, Açka nuk i ka kursyer kritikat për kryeministrin Edi Rama nëpërmjet një postimi në “Facebook”, duke e quajtur marrëveshjen “një turp”.
“Kur vjen Ai, nuk mungon asnji
Drejtpërdrejt nga “peizazhi fajtor” i quajtur Parlament
Shkon Porti i Durrësit sot, o shqiptarë!
Mos ikni, se duhet të përzëmë këta hajdutë me damkë!
Keni nevojë më për pallate ju?
Ciceroni, i cili humbi dikur rrugën nga argëtimi nëpër Durrësin antik, dhe ngaqë nuk kishte mē para, mbeti disa javë në port derisa e ëma i nisi para nga ana tjetër e Adriatikut, kushedi se si përpëlitet sot në varr.
Mijëra vjet antikitet nisi t’i varrosē Gjushi e po i përmbyll Ed mashtruesi.
A do ta bënte pa votat e të tijve?
A kanë më fytyrë para kombit të tijtë?
Ky është betimi që bënë para shqiptarëve?
Dhe për pallate te prishet një ndër portet më të rëndësishëm të Adriatikut e të Mesdheut?
Turpi i mbuloftë!
Rrethoni Parlamentin derisa këta pushtetarë “pa fe”, “pa din e iman”, “pa atdhe”, “të shitur te krimi”, “koka dhe bishti i mallkimit të kësaj toke” të kuptojnë se kush është zot në këtë vend: Ju, jo ata!”, - shkruan deputetja në “Facebook”./dritare.net
