Basha nga Durrësi: Si do të jetë Partia Demokratike sot, do të jetë Shqipëria nesër!
E Diel 23 Janar 2022, 11:11
Dritare.net
Lideri i opozitës Lulzim Basha përmes një postimi në Facebook ka ndarë një video nga takimi i tij në Durrës nga ku deklaron se demokratët janë të bashkuar në qëllimin e tyre për të ndërtuar një të ardhme më të mire.
“Ditë pas dite shqiptarët po binden se demokratët janë të bashkuar në qëllimin e tyre për të ndërtuar një të ardhme më të mirë. Mënyra si ne shpalosim me qytetari vizionin që kemi për politikën, për luftën kundër korrupsionit, për zhvillimin e vendit, duke reflektuar me sinqeritet mbi të shkuarën tonë, për të davaritur hijet që na kanë ndarë nga pjesa më e shëndetshme e shoqërisë shqiptare. Ky ndryshim që kemi nisur nga vetja është përcaktues për fatet e vendit, sepse si do të jetë Partia Demokratike sot, do të jetë Shqipëria nesër.” shkruan Basha në postimin e tij./Xh/Xh/dritare.net
