Berisha-Ramës: Ndalo antimitingun në Vlorë, do të përçash protestën për Zvërnecin
E Enjte 4 Qershor 2026, 12:12
Dritare.net
Kreu i Partisë Demokratike, Sali Berisha, akuzoi kryeministrin Edi Rama se po organizon një kundërprotestë në Vlorë në lidhje me çështjen e Zvërnecit. Gjatë fjalës së tij në Kuvend, Berisha pretendoi se administrata publike në jug është urdhëruar të marrë pjesë në tubimin e paralajmëruar për nesër, me synimin për të zbehur protestën në Tiranë.
“Denoncoj me forcën më të madhe vendimin e kreut të Meduzës, kreut të organizatës kriminale për të organizuar nesër në Vlorë anti-mitungun e turpshëm të historisë. Ju paralajmëroj se antimitingjet tuaja nuk do të tolerohen, do të marrin atë përgjigje që do të mjeroheni me të. A ka akt më të turpshëm të marrësh nënpunësit dhe të dalësh në anti-miting ndaj protestës qytetare. A ka akt më përçarës? Hiqni dorë, anulojeni. Keni dërguar mesazh te të gjithë punonjësit e të gjithë Jugut, njësoj si Ramiz Alia që donte të shpallte Republikën e Vlorës me vullnetarët e Enverit. Tani janë vullnetarët e Edit. Dënoj edhe dhunën ndaj qytetarëve në protestë. Është fashiste, staliniste praktika e anti-mitingjeve. Kam publikuar mesazhet që keni nisur në administratë”, tha Berisha./K.C/dritare.net
