U deshën më shumë se 10 vjet për ta ndërtuar tunelin e Luftës së Ftohtë në Gjirokastër. Në rast të ndonjë sulmi atomik gjatë Luftës së Ftohtë, ky tunel që tani është muze lufte, ka qenë vendi ku mund të mbroheshe.
I ndarë në dy seksione paralele me 56 dhoma që ende mbajnë etiketat e kohës ky mjedis do të shndërrohej në një seli nga do të merreshin vendime dhe do të dilnin urdhrat e luftës, funksion që në fakt nuk e mori kurrë.
Brenda tunelit
Këtu ishte depoja e ujit në tunel. Kishte tuba që vinin nga kalaja. Përdorej uji i shiut që filtrohej. Kishte mjaftueshëm ujë, për të rezistuar për aq kohë sa njerëzit mund të qëndronin nën tunel.
Kjo është pika më e thellë e tunelit, 90 metra poshtë kalasë.
Kjo ishte dhoma e personit më të rëndësishëm të asaj kohe, që ishte sekretari i parë.
Shërbente si zyrë dhe si dhomë.
Kishte gjithçka që i duhej.
Tuneli është përfunduar së ndërtuari në vitin 1987.
Aty është bërë vetëm një provë simulim lufte.
Ne vitin ‘97 u grabit. Në vitin 2014 u pastrua dhe përshtat si muze, por askush nuk erdhi kurrë të sjellë çfarë vodhi aty.
Tani që tuneli është shndërruar në muze, ajo që pritet është risjellja e disa kujtimeve të kohës, por dhe njerëzve që e dine historinë./L.F-dritare.net
