Dr.Edmond Trako: PD-ja sot për të ardhur keq!
E Hënë 4 Dhjetor 2023, 20:08
Dritare.net
Edmond Trako një nga themeluesit e PD-së i ftuar në Shqip nga Dritan Hila në DritareTv foli për situatën aktualisht në partinë që vetë krijoi. Ai thotë se sot PD-ja është katandisur në një situatë të mjerueshme, megjithëse shprehet se kurrë nuk ka patur besim te lidershipi që u vendos atëherë në krye të partisë.
“Kjo është një situatë për të ardhur keq. Në këto 33 vjet nuk kam patur kurrë besim që në atë lidership që u krijua qysh në fillim të PD-së sepse i njihja jo pak personat që hynë në PD dhe angazhimet e tyre. Sot nuk më vjen aspak mirë kur shoh situatën e mjerueshme në të cilën është katandisur PD-ja e ndarë jo në 4 copa, por në më shumë.”, tha zoti Trako./K.C/dritare.net
