Nesër nis "Euro 2020" dhe ceremonia do të hapet nga këngëtari shqiptar!
E Enjte 10 Qershor 2021, 21:09
Dritare.net
Gjithçka është gati për “Euro 2020”. Sipas medieve të huaja, ceremonia zyrtare do të nisë nesër në orën 19:00. Ndeshja hapëse në “Euro 2020” do të jetë mes Turqisë dhe Italisë në “Olimpico” në Romë.
Sipas informacioneve, Andrea Bocelli do të këndojë “Nessun Dorma”, ndërsa këngëtari shqiptar që do të performojë i pari në hapjen e ceremonisë që do të improvizohet në lokalin e “Olimpico”, është Ermal Meta. Artisti do të këndojë këngën “Uno”. Kujtojmë se javë më parë, artisti shqiptar zbuloi se do të vijë në Shqipëri për një koncert në stadiumin "Air Albania"./dritare.net
