Rusia apel qytetarëve të shmangin udhëtimet në vendet e BE-së! Ja arsyeja!
E Mërkurë 11 Dhjetor 2024, 13:01
Dritare.net
Rusia ka paralajmëruar qytetarët e saj duke u thënë se marrëdhëniet diplomatike me Shtetet e Bashkuara janë bërë aq konfrontuese saqë duhet të shmangin udhëtimin në SHBA, Kanada dhe disa vende të BE-së, sepse ata mund të ndiqen nga autoritetet.
Sipas Maria Zakharova, zëdhënëse e Ministrisë së Jashtme ruse, marrëdhëniet dypalëshe me SHBA-në janë në prag të prishjes, raporton Reuters.
“Në kontekstin e konfrontimit në rritje në marrëdhëniet ruso-amerikane, të cilat janë në prag të prishjes për fajin e Uashingtonit, udhëtimet në Shtetet e Bashkuara të Amerikës privatisht ose jashtë nevojës zyrtare mbartin rreziqe serioze,” tha Zakharova gjatë një konference për shtyp.
“Ne ju bëjmë thirrje që të vazhdoni të shmangni udhëtimet në Shtetet e Bashkuara të Amerikës dhe aleatët, duke përfshirë, para së gjithash, Kanadanë dhe, me disa përjashtime, vendet e Bashkimit Evropian, gjatë këtyre festave”, shtoi ajo.
Përfaqësuesit diplomatikë nga të dy vendet pranojnë se marrëdhëniet aktuale janë në pikën më të ulët që nga kriza e raketave Kubane të vitit 1962, kryesisht për shkak të konflikteve në lidhje me luftën në Ukrainë.
Situata u përkeqësua më tej muajin e kaluar kur Ukraina përdori raketa amerikane dhe britanike për të sulmuar territorin rus, duke e shtyrë Rusinë të mendonte për armët bërthamore.
Të dy kombet ngrenë akuza të ndërsjella për arrestimin e padrejtë të qytetarëve të tyre, mbi akuza të pabaza./E.P-dritare.net
