Politologu nga Kosova: Sulmuesit në veri ishin përgatitur për luftë!
E Hënë 25 Shtator 2023, 14:02
Dritare.net
Politologu Selver Islamaj i ftuar në Intervistën e Ditës në Dritare TV thotë se grupet sulmuese në veri të Kosovës, ishin përgatitur për të bërë luftë. Zoti Islamaj tha se kjo ishte e qartë pasi u gjet armatimi i sulmuesve që përfshinte predha armë dhe antiplumb.
“Kanë qenë thuajse 30 sulmues disa prej tyre janë vrarë, disa janë arrestuar. Konfiskimi i armëve tregon se ka qenë një grup tejet i përgatitur për të bërë një luftë të vogël brenda territorit të Kosovës. Armatimi që është gjetur përfshinte predha, antiajror, antitank, veshje antiplumb. Ishin njerëz shumë të stërvitur madje disa prej tyre ishin pjesë e ushtrisë serbe.
Serbët po i shfrytëzojnë manastiret për të armatosur popullatën dhe për të strehuar armatimet e tyre në rast se do të ndodhë diçka, ashtu sikurse ndodhi dje. BE e ka neglizhuar këtë çështje”, u shpreh Islamaj në Dritare TV./L.F-dritare.net
