Frika nga plakja është një nga frikërat më të zakonshme që kanë njerëzit. Por ju duhet të kapërceni frikën tuaj dhe të kuptoni se të gjitha moshat kanë avantazhet dhe disavantazhet e tyre. Në këtë artikull, ne do t'ju tregojmë se çfarë ndodh me trupin kur një person mbush 40 vjeç.
Bright Side ka vendosur të marrë në konsideratë si anët negative ashtu edhe ato pozitive të plakjes. Dhe ne mendojmë se duhet të theksojmë se jo të gjitha këto ndryshime do t'ju ndodhin pasi kjo varet nga shëndeti dhe mënyra e jetesës.
10. Flokët tanë bëhen më pak të dendur.
Ky problem shfaqet më së shumti te meshkujt, por shumë njerëz humbasin flokët e tyre para se të mbushin 30 vjeç, dhe 53% e meshkujve bëhen tullacë pas të 40-tave. Edhe femrave u bien flokët por më ngadalë se meshkujt. Po, është e pakëndshme, por ka edhe një avantazh: qimet e trupit tuaj gjithashtu ndalojnë të rriten.
Për të parandaluar rënien e shpejtë të flokëve, kujdesuni për flokët tuaj: aplikoni maska dhe ndaloni përdorimin e tharëses së flokëve. Diversifikoni dietën tuaj dhe hani më shumë vitamina.
9. Do të jetë më e lehtë të jesh prind i mirë.
Burrat dhe gratë 40-vjeçare kanë më shumë përvojë jetësore, i përballojnë më mirë vështirësitë dhe dinë çfarë të bëjnë në situata sfiduese. Për më tepër, ata janë më të sigurt financiarisht se njerëzit 20-vjeçarë.
Por ka edhe disa të meta: është shumë më e ndërlikuar që një grua të mbetet shtatzënë dhe të lindë një fëmijë të shëndetshëm. Pra, nëse keni një zgjedhje dhe dëshirë, është më mirë të keni fëmijë më herët.
8. Mund të shfaqet intoleranca ndaj laktozës.
Disa njerëz nuk mund t'i tresin produktet e qumështit që nga fëmijëria ndërsa te disa të tjerë shfaqet më vonë. Intoleranca ndaj laktozës zakonisht prek gratë afrikano-amerikane dhe aziatike mbi 40 vjeç. Në këtë moshë ulet niveli i enzimës së laktazës që ndihmon në tretjen e laktozës. Si rezultat, qumështi nuk mund të tretet dhe shkakton probleme me zorrën e trashë. Nëse e përjetoni këtë problem, pini qumësht pa laktozë dhe konsumoni probiotikë.
7. Dhëmbët tanë bëhen më pak të ndjeshëm.
Nëse vuani nga ndjeshmëria e dhëmbëve ndërsa jeni të rinj, ky problem mund të zhduket kur të rriteni. Kjo ndodh për shkak të dentinës, një ind i kalcifikuar që rritet me kalimin e kohës. Kjo është arsyeja pse ndjeshmëria zvogëlohet.
Megjithatë, ka edhe një pengesë: pas këtyre ndryshimeve, ekziston mundësia që ju të mos kuptoni se diçka nuk shkon me dhëmbët tuaj.
6. Ne tkuremi teksa plakemi.
Njerëzit fillojnë të tkurren pas 30 vjetësh dhe ju mund t'i shihni këto ndryshime kur të mbushni 40 vjeç. Sipas të dhënave të mbledhura nga Universiteti i Arkansas për Shkenca Mjekësore, burrat gradualisht mund të humbasin një centimetër midis moshës 30 dhe 70 vjeç.
5. Metabolizmi ynë bie.
Nëse në moshën 40-vjeçare, hani të njëjtin ushqim që keni ngrënë në moshën 20-vjeçare, do të shtoni peshë shumë shpejt. Puna është se pas të 40-ave, metabolizmi ynë bie dhe ne humbim muskujt më shpejt.
4. Bëhemi më tërheqës dhe me vetëbesim.
Psikologët pohojnë se femrat janë më të sigurta në vetvete pas të 40-tave sesa femrat në moshën 20 apo edhe 30. Ky fakt i ndihmon ato ta duan veten, të mos shqetësohen kurrë për gjërat e vogla, të heqin qafe njerëzit toksikë dhe të jenë vërtet të lumtura dhe të pavarura financiarisht.
Në këtë moshë, njerëzit rivlerësojnë veten dhe njerëzit përreth tyre. Kështu si meshkujt ashtu edhe femrat bëhen më tërheqës në sytë e të tjerëve.
3. Dëgjimi dhe shikimi ynë mund të përkeqësohen.
Në moshën 40-vjeçare, njerëzit fillojnë të përjetojnë largpamësi ose probleme të tjera të shikimit: si rregull, njerëzit kanë nevojë për më shumë dritë për të lexuar dhe ata gjithashtu vërejnë ndryshime në perceptimin e ngjyrave.
Edhe dëgjimi ynë përkeqësohet. Ndodh për shkak të ndryshimeve në strukturën e membranës timpanike dhe veshit të brendshëm.
2. Sistemi ynë imunitar forcohet.
Deri në moshën 40-vjeçare, njerëzit tashmë janë sulmuar nga shumë viruse të ndryshme. Si rezultat, sistemi ynë imunitar forcohet dhe ne sëmuremi më rrallë.
1. Ndjenja jonë e shijes ndryshon.
Kur lindim, kemi rreth 9000 receptorë shijeje. Kur plakemi, sasia e këtyre receptorëve zvogëlohet dhe fillojmë të humbasim njëfarë ndjesie shijeje, zakonisht duke filluar me shijet e kripura dhe të ëmbla dhe më pas ato të hidhura dhe të tharta. Këto ndryshime ndodhin tek femrat më herët se tek meshkujt./L.F-dritare.net
