Mori pagë për 8 vite në 2 ministri? Reagon për herë të parë Eli Fara: Ja si është e vërteta!
Dritare.net
Këngëtarja Eli Fara bëri bujë së fundmi jo për ndonjë projekt muzikor si zakonisht, por për shkak të posteve që pretendohet se ka mbajtur në administratë për rreth 8 vite në dy ministri. Sipas pretendimeve të botuara në disa media, Eli Fara, nga muaji janar 2006, deri në muajin gusht 2009, është paguar në Ministrinë e Mbrojtjes për postin “Drejtore Inovacionesh”. Më pas, sipas pretendimeve, kur ministri Fatmir Mediu, u zgjodh në krye të Ministrisë së Mjedisit, ai e emëroi këngëtaren si “Drejtore të Përgjithshme për Ngrohjen Globale”.
Pas akuzave se ka përfituar para nga shteti dhe 65 udhëtime pune reagoi edhe këngëtarja përmes një postimi në rrjete sociale. Eli Fara shkruan se ndjen neveri për njerëzit që shpifin për të. Ajo shprehet se nuk ka vjedhur dhe mashtruar askënd dhe gjithçka që ka e ka falë zanatit si këngëtare. Fara thotë se asnjëherë nuk ka udhëtar apo të marrë rrogë si drejtoreshë në ndonjë ministri.
“Zoti me ka bekuar me zerin qe me fali , gjith jeten time ia kam kushtuar artit te kenges! Ndjej neveri te pa fund per njerezit qe abuzojne me jeten e te tjereve duke shpifur pafytyresisht!!!
Ndjej detyrim moral te sqaroj opinionin publik mbi lajmet e rreme nga disa portale keto dite! Nuk di te kem mashtruar apo vjedhur askend kurre ne jeten time! Kam punuar fort dhe jam krenare per rrugen qe kam ndjekur per te perballuar çdo gje me djersen time, jam krenare per edukaten qe me kane dhene prinderit e mi te mrekullueshem larg te keqiave, mashtrimeve, vjedhjeve! Deri tani nuk e kam besuar se ne bote ka njerez kaq te ligj, te paskrupullt dhe abuzive! Perse i ka sjelle zoti ne kete bote? Duke shkruar tani po shoh babain tim 88 vjeçar duke shkulur barishtet e keqia ne oborr, si mendoni do shpetoje nga ato? Zoti e befte mire per te gjithe ne! Nuk kam firmosur kurre ne asnje bordero si drejtoreshe!!!Nuk di te kem marre ndonjehere rroge si drejtoreshe!!!! Nuk di te kem udhetuar ndonjehere si drejtoreshe!!! Kam udhetuar vetem per koncerte dhe nuk kam pasur nevoje per shoqerues! Kjo eshte e verteta!
Thone qe ne ditet me te veshtira njeh ata qe te duan por edhe ata qe mezi presin te marrin gurin e pare e te te godasin. Per keta te fundit nuk dua te flas me shume, disa prej tyre do te kene perballje ligjore. Ndersa per ata qe u shqetesuan njesoj si une dhe besojne te e verteta ime, dua ti Falenderoj pa fund!”, shkruan Fara në Instagram./K.C/dritare.net