Bardhi i përgjigjet Ramës me akuza: Miraton PPP me urdhër të krimit të organizuar!
E Hënë 20 Nëntor 2023, 12:12
Dritare.net
Deputeti demokrat, Gazment Bardhi ka reaguar pasi Edi Rama tha se opozita ka prekur fundin.
Bardhi ka reaguar me akuza ndaj kryeministrit ku shprehet: Rama futi në politikë e parlament përfaqësues të krimit të organizuar, trafikantë, vrasës e hajdutë.
"Edi Rama futi në politikë e parlament përfaqësues të krimit të organizuar, trafikantë, vrasës e hajdutë, duke e bërë Shqipërinë të vetmin vend në Europë që kishte nevojë për miratimin e një ligji për dekriminalizimin e politikës.
Sot si një frikacak i kapur në flagrancë me aferat korruptive miliona euro që hetohen e gjykohen çdo ditë nga drejtësia, kishte futur në sallën e Kuvendit 65 gardistë, për ta mbrojtur ndërsa miratonte si manikin buxhetin që financon vetëm PPP korruptive dhe projektet që injektojnë më shumë para për tenderat që kontrollohen nga krimi i organizuar", shkruan Bardhi./M.K-dritare.net
