Beleri nga burgu: Sundimi i ligjit nuk funksionon, kushdo që nuk pëlqehet nga Rama persekutohet!
E Martë 28 Nëntor 2023, 10:10
Dritare.net
“Sundimi i ligjit në Shqipëri nuk funksionon”, ka deklaruar për median greke SKAI, Fredi Beleri nga burg i Durrësit.
Më 4 dhjetor, pas 6 muajsh do të shqyrtohet kërkesa ime në gjykatën speciale nëse do të betohem apo jo, ka deklaruar ndër të tjera kryebashkiaku i zgjedhur në Himarë.
Ligji, sqaron Beleri është i qartë, kur dikush nuk është dënuar dhe vendimi nuk ka marrë formë të prerë, ai mund të betohet.
“Opozita nuk mund të kryejë detyrat e saj në Parlament, ka gjueti shtrigash nga qeveria shqiptare, kushdo që nuk pëlqehet nga Rama persekutohet në çdo kohë. Nuk ka barazi”, deklaron Beleri duke akuzuar kryeministrin e vendit.
Ndër të tjera shton: Rama shihet si pro-evropian dhe modern, ndërkohë që 1 milion shqiptarë janë larguar nga vendi. Jam i pafajshëm./M.K-dritare.net
