Ngërçi në PD, Bardhi: Gati për të shkuar drejt çdo akti!
E Martë 14 Nëntor 2023, 14:02
Dritare.net
Deputeti demokrat Gazment Bardhi pas mbledhjes me grupin tha se opozita është gati për të shkuar drejt çdo akti për t’i rikthyer të drejtat kushtetuese.
Bardhi tha se pezullimi i çështjes së PD nga gjykata kërkon vendimmarrje të guximshme nga strukturat e partisë lidhur me liderin.
“Zgjidhja e kësaj problematike nuk është çështje e kësaj gjykate, por e secilit prej nesh. Pjesa dërrmuese e anëtarëve të PD, e kanë treguar përgjegjshmërinë. Qëndrimin tim për ngërçin e dini, kërkon vendimmarrje të guximshme të strukturës së partisë.
Opozita gati për të shkuar drejt çdo akti. Opozita është e bashkuar në aksionin e vetë në Parlament dhe në aksionin e saj jashtë parlamentit. Çdo deputet e ka për detyrë që të zhvillojë takime me qytetarë. S’ka asnjë ndalesë për t’u bashkuar asnjë me askënd”, tha Bardhi./M.K-dritare.net
