Misioni më i vështirë që i kanë besuar amerikanët Altin Dumanit! Flet gazetari Hoxha!
E Enjte 23 Maj 2024, 11:11
Dritare.net
Gazetari investigativ Artan Hoxha në Shqip nga Rudina Xhunga, DritareTv tregoi pse kreu i SPAK Altin Dumani është personi më i “fuqishëm” përballë botës së krimit.
“Detyra dhe misioni që ka marrë përsipër Altin Dumani është që brenda dy vitesh të godasë të gjithë grupet e vjetra në Shqipëri. Dumanin dhe prokurorët e tjerë i kam njohur shumë herët, i kam parë në situata të vështira. Dumani e ka nisur nga ngjarjet e Tropojës, vrasjet aty.
Dumanin e kam parë tek kulla e Haklajve, ku janë bërë atentate me snajper. Ka ardhur aty dhe ka sekuestruar prova. Ai është kalitur për t’u bërë ky që është sot, duke kaluar në këto nivele. Infrastruktura ligjore dhe burimet financiare që ka sot SPAK, të gjithë prokurorët mund të bëjnë punën që bën sot dhe Dumani.
Çdo prokuror i SPAK sot mund të hetojë sot nga kryeministri deri tek i fundit. Ky reformim i institucioneve tona të drejtësisë duhet të ishte një model tjetër, të ishte në bazë të gjerë, më afër qytetarit. Nuk duhet të hiqeshin prokuroritë nga territori. SPAK ka mision, ndërrimin e elitës politike dhe asaj së botës së krimit”, tregoi Artan Hoxha./M.K-dritare.net
