Dua trego ku je, promovo Shqipërinë! Komenti në instagramin e Lipës, pasi nuk publikoi vendndodhjen!
E Mërkurë 28 Korrik 2021, 12:12
Dritare.net
Këngëtarja shqiptare me famë botërore Dua Lipa ndodhet me familjen në Shqipëri. Pas disa takimeve në Tiranë, ajo bëri një vizitë në Krujë për t’u zhvendosur më tej në Vlorë, për pushime. Fotot e publikuara në instagram janë disa, megjithëse në të gjitha mungon vendi ku ajo ndodhet. Një detaj që i ka rënë në sy edhe ndjekësve shqiptar.
Në faqe në instagram në fotot e fundit të postuara nga Dua, i kërkon që të vendosë vendin ku ajo ndodhet, që të ndihmojë në promovimin e Shqipërisë.
“Dua, të lutem cakto vendndodhjen në Shqipëri në postimin tuaj, në mënyrë që të ndihmosh në promovimin e vendit”, shkruhet në komentet poshtë fotove të këngëtares.
Sa i takon promovimit, Dua e ka bërë gjithmonë, megjithatë vendndodhja në fotot e fundit të saj që janë yll, me siguri do të ketë ndikim në rreth 70 milionë ndjekës në instagram./L.F-druare.net
