Fiori Dardha dedikim për të ëmën e sëmurë: Dikur ishte ajo forca ime, sot jam unë siguria e saj!
E Diel 27 Shtator 2020, 13:01
Dritare.net
Gazetarja Fiori Dardha, ka bërë një dedikim për të ëmën që po kalon ditë aspak të lehta. Teksa qëndron në spital, ajo rrëfen për kujtimet, kur nëna e saj dikur kujdesej për të ndërsa Fiori ishte sëmurë.
"Në adoleshencën time u sëmura një herë shumë rëndë dhe m'u desh të qëndroja rreth 1 muaj në spital.
Mami im qëndroi pranë meje ditë e natë. Nuk do e harroj kurrë se si kërrusej në një karrige për të dremitur pak çaste gjatë natës dhe ashtu e mpirë, brofte menjëherë në këmbë sapo dëgjonte hapat e infermieres që vinte për të më ndërruar serumin. Ime më nuk e shprehu asnjëherë lodhjen, nuk u ankua kurrë, harroi veten për të më qëndruar mua pranë.
Ndërsa sot, është mamaja e sëmurë, dhe Fiori ndodhet krah saj. Sot jam unë shprehet moderatorja, forca dhe siguria e saj.
"Sot, është mami e shtruar në një dhomë spitali dhe unë shoh të njëjtin shkëlqim (si i imi dikur), në sytë e saj kur më sheh tek dera.
Sot, jam unë forca dhe siguria e saj!
AJO është përherë shembull i sakrificës së një prindi për fëmijët e saj!
Përgjithmonë me ty, mam'!
P.S: "Mos më bëj foto, se më kanë rënë flokët dhe nuk është ndonjë pamje e bukur për t'u memorizuar" - më tha tek tentoja t'i rrëmbeja një buzëqeshje.Mami im nuk e kupton që në sytë e mi është më e bukura në bote!", përfundon statusin Fiori.
Pak kohë më parë, mamaja e moderatores, u prek nga kanceri i gjirit, por fatmirësisht ajo ia doli ta fitojë këtë betejë./L.F-dritare.net
