Djathë i ziem dhe mjaltë, tradita e Kelmendit që është kthyer në markë!
E Shtunë 2 Tetor 2021, 11:11
Dritare.net
Dritare TV ishte këtë fundjavë në Kelmend. Në ciklin e emisioneve "Shqipëria prodhon", gazetarja Rudina Xhunga në Tamarë te Cemi, na tregoi për traditën e vjetër veriore, djathë të ziem.
“Djathi i ziem është traditë e jona. Tipike e zonës së Kelmendit. E kemi trashëguar brez pas brezi, prej shekujsh. Djathin e ziem e gatuanim për miq të veçantë. Zakonisht në raste festash sepse kërkon jo vetëm kosto, por edhe kohë”.
Si bëhet djathi i ziem?
Duhet qumështi i lopës, i pa zier. Qumështi bëhet djathë. Dhe lihet në një dërrasë për 2-3 ditë të thahet në diell. Pasi qëndron në diell për disa ditë, pastaj gatuhet në tigan.
Thërrmohet dhe gatuhet në zjarr dalëngadalë, derisa të shkrihet”.
Te Cemi në Tamarë, djathi i ziem shoqërohet me mjaltë lulesh./L.F-dritare.net
