Kryeministri britanik planifikon të ndalojë duhanin për brezat e rinj, ja masat e ashpra!
E Shtunë 23 Shtator 2023, 08:08
Dritare.net
Kryeministri britanik, Rishi Sunak pritet të prezantojë disa nga masat më të ashpra në botë kundër pirjes së duhanit. Ai ka deklaruar se këto masa do të ndalojnë gjeneratën e ardhshme që të mos jenë në gjendje të blejnë ose të konsumojnë cigare.
Sipas The Telegraph, në masat e planifikuara janë rritja e moshës në të cilën njerëzit mund të blejnë cigare, ku ata që kanë lindur pas vitit 2008, nuk do të jenë kurrë në gjendje të blejnë një produkt duhani në MB.
Sipas ligjeve të reja, mosha e duhanpirjes së vendit prej 18 vjeç do të rritet çdo vit derisa të zbatohet për të gjithë popullsinë. Edhe laburistët më parë kishin konsideruar ndalimin e shitjeve të duhanit për të rinjtë.
Kjo masë erdhi pas një konsultimi me qeverinë, pasi duhanpirja mbetet ende shkaku kryesor i parandalueshëm i sëmundjeve dhe vdekshmërisë në MB. Një qasje e ngjashme është adoptuar në vende të tilla si Kanadaja, Izraeli dhe Australia.
