SPAK konfirmon që ka hetime për kullën "Mali i Tiranës"!
E Enjte 28 Shtator 2023, 18:06
Dritare.net
Nga takimi informal që kreu i SPAK-ut ka zhvilluar me gazetarët bëhet e ditur se ka dhënë detaje edhe sa i përket kullës më të lartë që pritet të ndërtohet në qendër të Tiranës.
Prokuroria e Posaçme kundër Korrupsionit ka konfirmuar se është caktuar prokurori i çështjes që do të hetojë dosjen për projektin e kullës në qendër të Tiranës ku përflitet se pas saj qëndrojnë dhe njerëz të afërt me familjen Berisha.
Dumani u tregoi gazetarëve se në çfarë faze ndodhen këto hetime:
“Është marrë një kallëzim penal nga Partia Demokratike lidhur me këtë çështje. Është hedhur ne short është caktuar prokurori i çështjes. Nuk mund të jap detaje për hetimet pasi me të po merret prokurori i përcaktuar nga shorti.”m tha Dumani.
Kjo do të jetë kulla më e re që do t’i shtohet Tiranës. 205 metër lartësi, projekti parashikon të ndërtohet me 58 kate dhe 7 kate nën dhe.
Kulla gjigante pritet të shërbejë për zyra, hoteleri e argëtim dhe plotëson kurorën e sheshit “Skënderbej”, sikurse ishte parashikuar në planin francez vite më parë. Projekti për kullën gjigante, 205 metra do të zbatohet nga studio daneze e arkitekturës “Cebra”, që u shpall fituese mes 5 kompanish në garë më 1 tetor 2022./dritare.net
