Shpërthimi më i madh i pneumonisë mikoplazmatike, në 20 vjet. Paralajmërimi i ekspertëve!
E Martë 5 Nëntor 2024, 16:04
Dritare.net
Përhapja më e keqe e "pneumonisë që ecën" e parë në më shumë se 20 vjet ka nxitur thirrje për vendosjen e maskave, pasi ekspertët paralajmërojnë se mund të përhapet në shkolla. Mijëra raste të sëmundjes janë raportuar në Japoni deri më tani. Gati 6,000 raste të sëmundjes, e njohur zyrtarisht si pneumonia mikoplazmatike, janë raportuar këtë vit. Më shumë po prek fëmijët dhe të rinjtë, ndaj ekspertët në Japoni paralajmërojnë se kjo pneumonia po përhapet gjerësisht në shkolla dhe fëmijët e infektuar e çojnë sëmundjen në shtëpi.
Infeksionet e pneumonisë mikoplazmatike njihen si "pneumonia që ecën" pasi duhet një kohë e gjatë që të shfaqen simptomat, si ethet, kolla dhe dhimbjet e fytit, që do të thotë se bartësit mund ta përhapin sëmundjen gjerësisht përpara se të sëmuren. Të dhënat e fundit të publikuara nga Instituti Kombëtar Japonez i Sëmundjeve Infektive (NIID) tregojnë se gjithsej 1,195 raste u raportuan midis 21 dhe 27 tetorit. Ndërkohë, NHK World Japan raportoi se numri i rasteve të pneumonisë mikoplazhmatike në Japoni është rritur gradualisht që nga qershori. Megjithëse vendi zakonisht sheh një rritje të rasteve të pneumonisë mikoplazmatike çdo pesë vjet ose më shumë, rritja e fundit e rasteve ka ngjallur shqetësim tek ekspertët.
Përfaqësuesit nga Shoqëria Japoneze e Problemeve të Frymëmarrjes dhe shoqatat e tjera mjekësore kanë bërë thirrje që publiku të vendosë maska për të frenuar shpërthimin, transmeton Telegrafi.
Njerëzit gjithashtu u nxitën të lajnë duart tërësisht dhe të sigurohen që hapësirat e brendshme të ajrosen.
Japonia nuk është e vetmja që raporton një rritje të rasteve të pneumonisë. Alarmi është ngritur edhe në SHBA dhe Kanada. Raste të sëmundjes janë shfaqur edhe në Evropë.
Mund të duhen një deri në katër javë që dikush të ketë simptoma pasi të jetë ekspozuar ndaj baktereve Mycoplasma pneumoniae, sipas CDC-së. Bakteret mund të shkaktojnë infeksione të rrugëve të frymëmarrjes që mund të dëmtojnë mukozën e fytit, grykës dhe mushkërive. Simptomat priren të jenë të lehta në krahasim me llojet e tjera të pneumonisë dhe mund të trajtohen me antibiotikë. Por për disa, pneumonia e mikoplazmës mund të çojë në sëmundje të rënda, shtrimin në spital dhe komplikime, të tilla si ënjtja vdekjeprurëse e trurit të quajtur encefalit.
Çfarë është pneumonia e mikoplazmës?
Kjo pneumoni shkaktohet nga bakteri Mycoplasma pneumoniae, i cili shkakton infeksione të rrugëve të frymëmarrjes. Mund të duhen një deri në katër javë që simptomat të shfaqen pasi dikush është ekspozuar ndaj baktereve dhe simptomat mund të zgjasin për disa javë. Me simptoma të lehta, njerëzit mund të mos qëndrojnë në shtëpi ose në shtrat. Kështu, u krijua shprehja "pneumoni që ecën". Simptomat e zakonshme përfshijnë:
-Kollë
-Ndjenja e lodhjes
-Ethe
-Frymëmarrje e shkurtër
Ndonëse të pazakonta, mund të ndodhin komplikime serioze që kërkojnë kujdes spitalor. Infeksionet e pneumonisë mund të shkaktojnë ose të përkeqësojnë kushtet e mëposhtme:
Sulmet e astmës ose simptoma të reja të astmës
Encefaliti (ënjtje e trurit)
Anemia hemolitike (shumë pak qeliza të kuqe të gjakut që japin oksigjen)
Mosfunksionimi i veshkave,
Pneumoni e rëndë,
Çrregullime të lëkurës si sindroma Stevens-Johnson (SJS) ose skuqje dhe mukoziti i shkaktuar nga mikoplazma (MIRM), thotë CDC-ja./K.C/dritare.net
