Ushqime ultra të përpunuara! Ja pse varësia ndaj tyre po krijon epidemi ushqimore!
E Enjte 31 Tetor 2024, 21:09
Dritare.net
La Repubblica
Sheqernat dhe ushqimet ultra të përpunuara po dominojnë dietat në mbarë botën. Konsumi është në rritje, veçanërisht tek të rinjtë.
Ekspertët paralajmërojnë: “Një emergjencë e vërtetë e shëndetit publik”.
Duke konsumuar ushqim të gatshëm, patate të skuqura apo pije me sheqer, ju bën ju një konsumator të ushqimit ultra të përpunuar. Mjafton të thuhet se 58% e kalorive të konsumuara çdo ditë në Shtetet e Bashkuara dhe 36% e atyre në Evropë vijnë nga ushqimet e përpunuara.
Por pse i konsumojmë?
Thjesht: janë të shijshme, shumë të shpejta për t'u përgatitur, pa e ndotur as tiganin. Çështja është se konsumimi i tepërt i ushqimeve të përpunuara shoqërohet me rreziqe më të mëdha për zhvillimin e sëmundjeve kardiovaskulare dhe ishemike dhe shumë lloje të kancerit.
Komuniteti shkencor është unanim për këtë. Dhe sikur të mos mjaftonte kjo, ajo që shfaqet me qartësi gjithnjë e më të madhe është vështirësia për t'i hequr ato nga dieta, për shkak të varësisë së vërtetë që krijojnë këto ushqime te konsumatori./ M.K-dritare.net
