Atentat ndaj dy senatorëve në Minnesota, vritet ligjvënësja demokrate dhe bashkëshorti i saj
E Shtunë 14 Qershor 2025, 18:06
Dritare.net
është tronditur nga një ngjarje tragjike me pasoja të rënda për skenën politike të shtetit. Përfaqësuesja e njohur e shtetit, Melissa Hortman, dhe bashkëshorti i saj Mark humbën jetën si pasojë e një sulmi me armë zjarri që dyshohet të ketë motive politike.
Ngjarja ndodhi gjatë mbrëmjes, ndërsa një tjetër çift politikanësh, identiteti i të cilëve nuk është bërë ende publik, mbeti i plagosur rëndë dhe po trajtohet në spital nën kujdes intensiv.
Autoritetet janë duke hetuar ngjarjen dhe kanë ngritur dyshimet e para se sulmi mund të jetë i motivuar politikisht, duke shtuar shqetësimet për rritjen e dhunës dhe tensioneve në klimën politike të vendit.
Guvernatori i Minnesotës dhe figura të tjera të larta kanë shprehur tronditjen dhe dhimbjen për humbjen e Hortman, e cila ka qenë një zë i rëndësishëm në legjislaturën e shtetit për më shumë se një dekadë.
Hetimet janë ende në vazhdim, ndërsa komuniteti politik dhe qytetarët kërkojnë drejtësi për viktimat e kësaj ngjarjeje të rëndë.
