Kjo e premte pritet të karakterizohet nga kushte atmosferike të qëndrueshme në të gjithë vendin. Orët me diell do të mbizotërojnë në pjesën më të madhe të territorit, duke sjellë një ditë tipike verore.
Era do të fryjë nga kuadrati i jugut me shpejtësi mesatare rreth 7 m/s, ndërsa në zonat luginore dhe përgjatë bregdetit herë pas here pritet të arrijë deri në 12 m/s.
Temperaturat do të jenë të larta, ku vlerat maksimale do të regjistrojnë deri në 37°C në qarqet e Elbasanit, Beratit dhe Fierit.
Valëzimi në det do të jetë i ulët, me forcë 1–2 ballë, duke krijuar kushte të favorshme për pushuesit në bregdet./E.P-dritare.net
