Zjarret në vend: Çfarë ka ndodhur në 24 orët e fundit!
E Premte 29 Gusht 2025, 09:09
Dritare.net
Agjencia Kombëtare e Mbrojtjes Civile ka bërë publike bilancin e 24 orëve të fundit sa i takon situatës së zjarreve në vend.
Sipas të dhënave të Qendrës Kombëtare Operacionale të Emergjencave Civile (QKOEC) në AKMC, gjatë ditës së fundit janë evidentuar gjithsej 26 vatra zjarri.
Nga këto:
21 vatra janë shuar,
4 vatra vijojnë aktive,
1 vatër ndodhet në monitorim.
Vatrat e izoluara dhe të shuara
Janë izoluar dhe shuar plotësisht vatrat e zjarrit në këto zona:
Havalehas (Kuçovë), Krutje (Lushnjë), Rubjek (Shijak), Lagjja nr.10 (Korçë), Drobonik (Berat), Kotë (Selenicë), Kameras (Durrës), Martalloz (Memaliaj), Stadiumi dhe puset e naftës (Kuçovë), Fushë Milot (Kurbin), “Gjëmbi” (Selenicë), Lanabreges (Tiranë), Bogovë (Skrapar), Durisht (Tiranë), Barbullush (Vau Dejës), Bogiç-Palvar (Malësi e Madhe), Katundi i Ri (Durrës), Mjull Bathore (Tiranë), Hamallaj (Durrës), Parku Natyror Gërmenj (Kolonjë), si dhe midis fshatrave Nivicë, Salari e Dhëmblan (Tepelenë).
Vatrat aktive
Aktualisht, sipas njoftimit të AKMC, mbeten aktive 4 vatra zjarri:
Pezë Helmës, bashkia Tiranë, ku janë të pranishme disa vatra të izoluara që po mbahen në monitorim nga zjarrfikësit.
Fshati Fage, bashkia Tiranë, ku zjarri është ende aktiv dhe po monitorohet nga zjarrfikësit, forcat bashkiake dhe vullnetarët.
Fshati Miras, bashkia Devoll, ku ka prani tymi në disa zona. Për shuarjen e flakëve janë angazhuar rreth 100 forca në terren.
Lagjja Boje, bashkia Krujë, ku dy vatra po përfshijnë sipërfaqe pyjore me pisha në një zonë të mbrojtur.
Vatra në monitorim
Ndërkohë, në fshatin Delisuf, bashkia Vlorë, zjarri është nën monitorim. Situata aty paraqitet e qetë dhe pa prani tymi.
Agjencia Kombëtare e Mbrojtjes Civile bën me dije se strukturat e Mbrojtjes Civile dhe Forcat e Armatosura vijojnë punën në terren, në bashkëpunim të ngushtë me autoritetet vendore, për izolimin dhe shuarjen e vatrave të mbetura./E.P-dritare.net
